ಅಂಕೆ ಇಲ್ಲದವಕ್ಕೆ ಅಂಕುಶ ಬೇಕೇ ಬೇಕು -ಕೋಟೆ ಕಾಲಂ

ಲೇಖಕರು ಮತ್ತು  ಸಂಪಾದಕರು 

ಹರೀಶ್ ಹೆಚ್ ಆರ್ 

ಕೋಟೆ 

ಮೊನ್ನೆ ಉತ್ತರ ಕರ್ನಾಟಕದಾದ್ಯಂತ ಎಡಬಿಡದೆ ಸುರಿದ ಮಳೆಗೆ ಉಕ್ಕಿಹರಿದ ನದಿ ಹಳ್ಳಕೊಳ್ಳ ಗಳ ಸೊಕ್ಕಿಗೆ ಜನಜೀವನ ಅಯ್ಯೋ ಶಿವನೆ ಎಂಬಂತಾಗಿತ್ತು ಮಕ್ಕಳು ಬಾಣಂತಿ ನೀರಿನಲ್ಲಿ ಸಿಲುಕಿ ಕಂಗಾಲಾದ ಸ್ಥಿತಿ ಮನೆಕಳೆದು ಕೊಂಡು ಬೀದಿಯಲ್ಲಿ ರೋದಿಸುತ್ತಾ ನಿಂತಜನ ಉಕ್ಕಿಹರಿಯುವ ನೀರಿನಲ್ಲಿ ಸಿಲುಕಿ ನೆರವಿಗಾಗಿ ಅಂಗಲಾಚುವ ಅಮಾಯಕರ ಕಣ್ಣೀರು ತಿನ್ನಲು ತಾಟನ್ನು ಉಳಿಸದಂತೆ ಎಲ್ಲವನ್ನು ಬಳಿದುಕೊಂಡು ಹೋಗಿ ಬದುಕನ್ನು ಮೂರಾಬಟ್ಟೆ ಮಾಡಿದ ಜೀವನದಿಗಳನ್ನು ಶಪಿಸುವ ಹೆಂಗಳೆಯರು ನದಿಯಲ್ಲಿ ಕೊಚ್ಚಿಹೋದ ಮನೆಯ ಯಜಮಾನ ತಿರುಗಿ ಜೀವಂತಸಿಕ್ಕಾನೇನೋ ಎಂದು ಕಣ್ಣೀರಜೊತೆಗೆ ಆಶಾಭಾವನೆ ಹೊತ್ತ ಮನೆಯವರು ತಿಂಗಳು ಗಟ್ಟಲೆ ನಿಗಾವಹಿಸಿ ಬೆಳೆದ ಬೆಳೆ ಕಣ್ಣೆದುರೆ ನೀರುಪಾಲಾದರೂ ಏನನ್ನು ಮಾಡಲಾಗದ ಅಸಹಾಯಕತೆ ಹೀಗೆ ಹತ್ತಾರು ತರಹದ ನೋವು ಸಂಕಷ್ಟಗಳನ್ನು ನಮ್ಮದೇ ರಾಜ್ಯದ ಜನಗಳು ಅನುಭವಿಸುವುದನ್ನು ಕಂಡು ಮರುಗದ ಮಾನವರಿಲ್ಲ ಇಂತಹ ಸಂದರ್ಭದಲ್ಲಿ ಟಿವಿ ಚಾನಲ್ ವೊಂದರಲ್ಲಿ ಪದೇಪದೇ ತೋರಿಸಲಾಗುತ್ತಿತ್ತು ಮಳೆಅನಾಹುತದ ಅದ್ಭುತ ದ್ರಶ್ಯಗಳು ನಮ್ಮಲ್ಲಿ ಮಾತ್ರ ಎಂದು ಆ ಕಾರ್ಯಕ್ರಮ ವೀಕ್ಷಿಸಿದರೆ ಅದರಲ್ಲಿ ಮಳೆಹಾನಿಯಿಂದ ತೊಂದರೆಗೀಡಾದವರ ಕ್ಲಿಪಿಂಗ್ ತೋರಿಸಲಾಗುತ್ತಿತ್ತು ಅದರಲ್ಲಿ ಮನೆಮಠ ಕಳೆದುಕೊಂಡವರ ರೋದನೆ ಮನಕಲಕುವಂತಿತ್ತು ಇವುಗಳು ಅದ್ಬುತ ದ್ರಶ್ಯಗಳೆ ಇನ್ನೊಬ್ಬರ ನೋವು ಆನಂದಿಸುವ ವಿಚಾರವೇ ಶೀರ್ಷಿಕೆ ಕೊಡುವಲ್ಲಿ ಚಾನಲ್ ನವರ ಬೌದ್ಧಿಕ ದಿವಾಳಿತನ ಇದಕ್ಕೆ ಸಾಕ್ಷಿಯಾಗಿತ್ತು ಇದಕ್ಕೆ ಕಾರಣ ವೀಕ್ಷಕರನ್ನು ಆಕರ್ಷಿಸುವ ಟಿಅರ್ ಪಿ ಹೆಚ್ಚಿಸಿಕೊಳ್ಳುವ ಧಾವಂತ ಇದಕ್ಕಾಗಿ ನ್ಯೂಸ್ ಚಾನಲ್ ಗಳು ಮಾಡುತ್ತಿರುವ ಅವಾಂತರ ಒಂದೆರಡಲ್ಲಾ ಡ್ರಗ್ಸ್ ಪೆಡ್ಲರ್ ಗಳ ವಿಚಾರಬಂದಾಗ ಇಬ್ಬರು ಸಿನಿಮಾನಟಿಯರನ್ನು ಹಾಸಿಗೆಯಿಂದ ಎಬ್ಬಿಸುವುದರಿಂದ ಆರಂಭಿಸಿ ಬಾತ್ರೂಮಿಗೆ ಕರೆದೊಯ್ದು ನಿತ್ಯಕರ್ಮ ಮಾಡಿಸಿ ತಿಂಡಿತಿನ್ನಿಸಿ ಬಟ್ಟೆ ಹಾಕಿಸಿ ವಿಚಾರಣೆಗೆ ಕರೆದೊಯ್ದು ನಂತರ ಪರಪ್ಪನ ಅಗ್ರಹಾರದವರೆಗೂ ಕರೆದೊಯ್ದು ಬಿಟ್ಟು ಬಂದಿದ್ದಲ್ಲದೆ ಅಲ್ಲಿ ಅವರು ತಿಂದಿದ್ದು ಬಿಟ್ಟಿದ್ದುಕಿತ್ತಾಡಿದ್ದು ಅತ್ತಿದ್ದು ಎಲ್ಲವನ್ನು ದಿನವಿಡಿ ಚಾನಲ್ ಗಳು ತೋರಿಸಿ ಕರ್ನಾಟಕದ ಬಹುದೊಡ್ಡ ಪ್ರಚಲಿತ ವಿದ್ಯಮಾನ ಈ ನಟಿಯರು ಡ್ರಗ್ಸ್ ಕೇಸಿನಲ್ಲಿ ತಗಲಾಕಿಕೊಂಡಿರುವುದು ಎಂಬಂತೆ ಬಿಂಬಿಸಿದ್ದು ಅಸಹ್ಯ ತರಿಸಿತ್ತು ಪ್ರತಿನಿತ್ಯ ಇಂತಹದ್ದೇ ಕೆಲಸಕ್ಕೆ ಬಾರದ ವಿಚಾರಗಳು ಕೋವಿಡ್ ಅನ್ನು ಅತಿಹೆಚ್ಚು ವೈಭವೀಕರಿಸಿ ಜನರಿಗೆ ಅದರ ಬಗ್ಗೆ ಅರಿವು ಮೂಡಿಸುವ ಬದಲು ಬೆದರುವಂತೆ ಮಾಡಿದ್ದು ಹಾಗೂ ಕೋವಿಡ್ ಬಂದರೆ ಸಾವೇಗತಿ ಎಂಬಂತೆ ಬಿಂಬಿಸಿದ್ದು ಅಕ್ಷಮ್ಯ ಇನ್ನು ಯಾರದೋ ಮನೆಯ ಜಗಳಕ್ಕೆ ಮೂಗುತೂರಿಸುವುದು ತಮಗೆ ಬೇಕಾದ ಹಾಗೆ ಪ್ಯಾನೆಲ್ ಚರ್ಚೆ ತಾವೇ ನ್ಯಾಯಾಧೀಶ ರಂತೆ ತೀರ್ಪು ಕೊಡುವುದು ರೇಜಿಗೆ ತರಿಸುತ್ತವೆ ಇವೆಲ್ಲವೂ ಓನ್ಲಿ ಫಾರ್‌ ಟಿಆರ್ಪಿ ಟಿ ಆರ್ ಪಿ ಅಂದರೆ ಸುದ್ದಿವಾಹಿನಿಗಳ ವಾರದ ರೇಟಿಂಗ್ ಇದರ ಆಧಾರದ ಮೇಲೆಯೆ ಆಯಾ ಚಾನಲ್ ನ ಯೋಗ್ಯತೆ ಅಳೆಯಲಾಗುತ್ತದೆ ಜಾಹಿರಾತು ಸಂಸ್ತೆಗಳು ಅದರ ಆಧಾರದ ಮೇಲೆ ಚಾನಲ್ಗಳ ಜೊತೆ ವ್ಯವಹಾರ ನಡೆಸುತ್ತವೆ ಟಿ ಆರ್ ಪಿ ನೀಡುವಲ್ಲಿಯೂ ಸಾಕಷ್ಟು ಅವ್ಯವಹಾರ ನಡೆದ ಹಿನ್ನಲೆಯಲ್ಲಿ ಬಾರ್ಕ್ಅಂದರೆ ಬ್ರಾಡ್ ಕಾಸ್ಟ್ ಆರ್ಡಿಯನ್ಸ್ ರಿಸರ್ಚ್ ಕೌನ್ಸಿಲ್ ಟಿ ಆರ್ ಪಿ ಯನ್ನು ಮೂರು ತಿಂಗಳುಗಳ ಕಾಲ ಸ್ಥಗಿತಗೊಳಿಸುವ ಮೂಲಕ ಚುರುಕು ಮುಟ್ಟಿಸಿದೆ ಈ ತೀರ್ಮಾನವನ್ನು ಬಹುಹಿಂದೆಯೇ ತೆಗೆದುಕೊಂಡಿದ್ದರೆ ಹಲವು ಅನಾಹುತಗಳನ್ನು ತಪ್ಪಿಸ ಬಹುದಾಗಿತ್ತು ಅದರಲ್ಲಿಯೂ ದೇಶದಲ್ಲಿ ಕೊರೋನಾ ಮಹಾಮಾರಿ ಕಬಂದಬಾಹು ಚಾಚಿದ ಬಳಿಕ ಕೆಲ ಮಾಧ್ಯಮ ಗಳ ಕಾರ್ಯ ಅತಿರೇಕದ ಪರಮಾವಧಿ ತಲುಪಿದೆ ವಿವಿಐಪಿ ಗಳ ಸಾವಿನ ಸುದ್ದಿಯನ್ನು ನಮ್ಮಲ್ಲೇ ಮೊದಲು ಎಂದು ತೋರಿಸಿ ಮುಜುಗರ ಉಂಟುಮಾಡಿದ್ದು ಹಾಗೂ ಬದುಕಿರುವಾಗಲೇ ಇಹ ಲೋಕ ತ್ಯಜಿಸಿದರು ಎಂದು ತರಾತುರಿಯಲ್ಲಿ ಸುದ್ದಿನೀಡಿ ಜನರ ಕೆಂಗಣ್ಣಿಗೆ ಗುರಿಯಾದವು ಕೆಲವು ಚಾನಲ್ಗಳಂತು ವ್ಯಕ್ತಿಗಳ ತೇಜೋವಧೆ ಮಾಡುವುದನ್ನೇ ಕಾಯಕವನ್ನಾಗಿಸಿ ಸಮಾಜದ ಸ್ವಾಸ್ಥ್ಯ ಕೆಡಿಸುತ್ತಿವೆ ಅದರಲ್ಲಿಯೂ ಇತ್ತೀಚೆಗೆ ಸರಕಾರ ತೆಗೆದುಕೊಂಡ ನಿರ್ಧಾರ ಗಳನ್ನು ನಮ್ಮಿಂದಲೇ ನಾವೇಕಾರಣ ಎಂದು ಹಾಕಿಕೊಳ್ಳುವ ಹಾಸ್ಯಾಸ್ಪದ ಬೆಳವಣಿಗೆ ವಾಕರಿಕೆ ತರಿಸುತ್ತದೆ ಇನ್ನಾದರೂ ಸುದ್ದಿವಾಹಿನಿಗಳು ಸ್ವಯಂ ಆತ್ಮವಿಮರ್ಷೆ ಮಾಡಿಕೊಳ್ಳಬೇಕಾದ ಅವಶ್ಯಕತೆ ಇದೆ ಬರೆದರೆ ಮುಗಿಯದಷ್ಟಿದೆ ಸದ್ಯಕ್ಕೆ ಇಷ್ಟೇ ಸಾಕು ಎನಿಸುತ್ತದೆ

ಬಾರ್ಕ್ ಸಂಸ್ಥೆ ನೀಡಿದ ಟಿ ಆರ್ ಪಿ ಮಾಹಿತಿ ಪ್ರಕಟಣೆ  ತಾತ್ಕಾಲಿಕ ನಿಷೇಧ  ಆದೇಶ  ಪತ್ರ.