ಎಂಎಲ್ಎ ನಮಗೆ ಸಖತ್ ಬೇಕಾದವರು ಆ ಮಿನಿಸ್ಟರ್ ನಮಗೆ ಕ್ಲೋಸು.ಆ
ಡಿ.ಸಿ . ನಮ್ಮವರು ....
ಆ ಎಸ್ಪಿ ನಮ್ಮನೇವ್ರು ಅಂದ್ರೆ ಸುಮ್ಮನಾಗ್ತಾರೆ
ಇವೆಲ್ಲಾ ನಾವು ಅಗಾಗ್ಗೆ ಕೇಳುತ್ತಲೇ ಇರುವ ಮಾತು ಅದರಲ್ಲಿಯೂ ಕೆಲಸಕ್ಕೆ ಬಾರದ ಪುಡಾರಿಗಳು ನಂಬರ್ ದೋ ದಂಧೆ ಮಾಡುವವರು ಹಾಗು ಬೆಳಿಗ್ಗೆ ಮನೆಬಿಟ್ಟರೆ ಸಂಜೆಯೊತ್ತಿಗೆ ಯಾರದಾದರೂ ತಲೆಯಮೇಲೆ ಕೈ ಇಟ್ಟು ಕಾಸು ಮಾಡಿಕೊಳ್ಳುವವರ ಬಾಯಲ್ಲಿ ಬರುವ ಮಾತುಗಳು
ಇನ್ನು ಕೆಲವು ಸಮಾಜ ಸೇವಕ ಸೇವಕಿಯರ ಬಾಯಲ್ಲಿ ಬರುವ ಕ್ಲೋಸ್ ಪದದ ಅರ್ಥ ಬೇರೆ ಯದ್ದೇ ಆಗಿರುತ್ತದೆ
ಇಂತವರಮನೆಗಳ ಶೋಕೇಸ್ ಹಾಗೂ ಗೋಡೆಗಳನ್ನುಅಲಂಕರಿಸಿರುವ ವಿಐಪಿಗಳು ಅಧಿಕಾರಿಗಳ ಜೊತೆಗಿನ ಫೋಟೋಗಳು ಮನೆಗೆ ಬಂದವರ ಮುಖಕ್ಕೆ ರಾಚುವಂತಿರುತ್ತವೆ ಅದರಲ್ಲಿ ಕಷ್ಟಪಟ್ಟು ತೂರಿಸಿರುವ ಇವರ ಮುಖಗಳನ್ನು ಕಂಡಾಗ ಯೋಗ್ಯತೆ ಅರ್ಹತೆ ಅರ್ಥವಾಗುತ್ತದೆ
ಬಹುತೇಕ ರಾಜಕಾರಣಿಗಳು ಹಾಗೂ ಅಧಿಕಾರಿಗಳ ಜೊತೆ ಇಂತವರ ಪೋಟೋಗಳು ಇರುತ್ತವೆಯೇ ಹೊರತಾಗಿ ಅಪ್ಪಿತಪ್ಪಿಯೂ ಸಾಹಿತಿಗಳು ನಾಡುನುಡಿಗೆ ಹೋರಾಡಿದವರ ಜೊತೆ ಇವರ ಪೋಟೋಗಳು ಸಿಗುವುದಿಲ್ಲಾ
ಸಾಲದೆಂಬುದಕ್ಕೆ ಇತ್ತೀಚೆಗೆ ಸಿಕ್ಕವರಿಗೆಲ್ಲಾ ಪ್ರಶಸ್ತಿಗಳನ್ನು ಕೊಡುವ ಸಂಸ್ಥೆಗಳು ಜೀವನದಲ್ಲಿ ಬಿಕ್ಷುಕನಿಗೆ ಒಂದುರೂಪಾಯಿ ಹಾಕದವನಿಗೂ ಸಮಾಜ ಸೇವಕ ಎಂಬ ಬಿರುದು ನೀಡಿ ಪ್ರಶಸ್ತಿ ಕೊಡುತ್ತಿದ್ದು ಅವುಗಳ ಪೋಟೋಗಳು ಹಾಗು ಕಂಡೂ ಕೇಳದ ಡಾಕ್ಟರೇಟ್ ಗಳ ಫೊಟೋಗಳು ಬಿಲ್ಡಪ್ ಹೆಚ್ಚಿಸುವ ಸಾಧನಗಳಾಗಿವೆ
ಈ ಪೋಟೋಬಿಲ್ಡಪ್ ರಾಜರನ್ನು ಕಂಡಾಗ ಹಿಂದೆ ರಸ್ತೆಬದಿಯಲ್ಲಿ ಹಾವಾಡಿಸುವವರು ನೆನಪಾಗುತ್ತಾರೆ
ದಶಕಹಿಂದೆ ಹಾವಾಡಿಸುವವರು ಸಹ ದೊಡ್ಡದೊಡ್ಡ ಸಿನಿಮಾ ನಟರೊಂದಿಗೆ ತಾವು ತೆಗೆಸಿಕೊಂಡ ಪೋಟೊ ಪ್ರದರ್ಶಿಸುತ್ತಿದ್ದುದಲ್ಲದೆ ತಮ್ಮಬಳಿ ಇರುವ ತೆವಳಲು ಪ್ರಾಯಾಸಪಡುತ್ತಿದ್ದ ಹಾವನ್ನು ತೋರಿಸಿ ಆ ಸಿನಿಮಾದಲ್ಲಿ ನಟಿಸಿರುವ ಹಾವು ಇದೇ ಎಂದು ಪುಂಗುತ್ತಿದ್ದರು
ಅವರಿಗೂ ಇವರಿಗೂ ಅಂತಹ ವ್ಯತ್ಯಾಸವೇನಿಲ್ಲಾ ಎಲ್ಲರೂ ಮಾಡುವುದು ದುಡ್ಡಿಗಾಗಿ ತಾನೆ
ಇತ್ತೀಚಿನ ವಿದ್ಯಮಾನಗಳನ್ನು ಗಮನಿಸಿದಾಗ ವಿಐಪಿ ಗಳೊಂದಿಗೆ ಫೋಟೊ ತೆಗೆಸಿಕೊಳ್ಳುವ ಖಯಾಲಿಯ ಕ್ರಿಮಿನಲ್ ಗಳಿಂದಾಗಿ ರಾಜಕಾರಣಿಗಳು ಸಿನಿಮಾನಟನಟಿಯರು ತೊಂದರೆಗೆ ಸಿಲುಕಿರುವುದು ಸುಳ್ಳಲ್ಲಾ
ಅದರಲ್ಲಿಯೂ ಡ್ರಗ್ ಪೆಡ್ಲರ್ಗಳೊಂದಿಗೆ ಪೋಟೋಗಳಲ್ಲಿ ಕಾಣಿಸಿಕೊಂಡವರು ಕಂಬಿ ಎಣಿಸುವ ಹಾಗೂ ಪೊಲೀಸರ ವಿಚಾರಣೆ ಡ್ರಿಲ್ಲಿಂಗ್ ಗೆ ಸಿಲುಕಿ ನಲುಗುವಂತಾಗಿರುವುದು ಕಂಡಕಂಡವರೊಂದಿಗೆ ಪೋಸ್ ಕೊಡಲು ಹೆದರುವಂತೆ ಮಾಡಿದೆ
ಜಿಲ್ಲಾಮಟ್ಟದಲ್ಲಿಯೂ ಕ್ರಿಮಿನಲ್ ಕೆಲಸ ಮಾಡುವವರು ಪೊಲೀಸ್ ವರಿಷ್ಟಾಧಿಕಾರಿಗಳು ಹಾಗೂ ನೆಲಗಳ್ಳರು ಜಿಲ್ಲಾಧಿಕಾರಿಗಳನ್ನು ಬಂದ ತಕ್ಷಣವೇ ಓಲೈಸಿ ಸನ್ಮಾನಿಸಿ ಅವರ ಸ್ನೇಹಸಂಪಾದಿಸುವುದು ಅವರೊಡನೆ ಭಾವಚಿತ್ರ ತೆಗೆಸಿಕೊಳ್ಳುವುದು ಮಾಮೂಲಾಗಿದೆ
ಯಾರೆ ಹೊಸ ಡಿಸಿ ಎಸ್ಪಿ ಬರಲಿ ಅವರೊಂದಿಗೆ ವೇದಿಕೆ ಹಂಚಿಕೊಂಡು ಆ ಪೋಟೊತೋರಿಸಿಯೇ ಹೊಟ್ಟೆಹೊರೆದುಕೊಳ್ಳುವ ಮಹಾನುಭಾವರು ಎಲ್ಲೆಡೆ ಇದ್ದೇಇರುತ್ತಾರೆ
ಅವರು ರಾಜಕೀಯ ಮುಖಂಡರಾಗಿರಬಹುದು ಸಮುದಾಯದ ಸ್ವಯಂ ಘೋಷಿತ ನಾಯಕರಾಗಿರಬಹುದು ಸಮಾಜ ಸೇವಕ ಇಲ್ಲವೇ ಪತ್ರಕರ್ತನ ಸೋಗಿನವನಾಗಿರಬಹುದು ಇವರು ಸಹ ಅಧಿಕಾರಿಗಳೊಂದಿಗೆ ಅತ್ಯಂತ ಅಪ್ತರೆಂಬಂತೆ ಬಿಂಬಿಸಿಕೊಳ್ಳುವ ಫೋಟೊ ಗಳನ್ನು ಚೆನ್ನಾಗಿಯೇ ಬಳಸಿಕೊಳ್ಳುತ್ತಾರೆ
ಪಾಪ ಐಪಿಎಸ್ ಹಾಗೂ ಐಎಎಸ್ ಅಧಿಕಾರಿಗಳು ಹಾಗೂ ರಾಜಕೀಯ ನಾಯಕರಿಗೆ ತಮ್ಮೊಂದಿಗೆ ತೆಗೆಸಿಕೊಂಡ ಒಂದು ಪೋಟೊ ಎಷ್ಟೆಲ್ಲಾ ಬಳಕೆ(ದುರ್ಬಳಕೆ) ಆಗುತ್ತದೆ ಎಂಬುದು ಅರ್ಥವಾಗುವುದೇ ಇಲ್ಲಾ
ಅದರಲ್ಲಿಯೂ ಫ್ಲೆಕ್ಸ್ ಗಳು ಬಂದನಂತರವಂತೂ ಅದರ ಅದ್ವಾನ ಹೇಳಲಸಾದ್ಯ ರಾಜಕೀಯ ಮುಖಂಡರು ಗಳ ಕಾರ್ಯಕ್ರಮ ,ನಾಟಕ ಪ್ರಾರಂಭೋತ್ಸವ ,ತಿಥಿ ಸಾವು ಒಂದೇ ಎರಡೇ ಎಲ್ಲದಕ್ಕೂ ಬಳಕೆಯಾಯಿತು ಇನ್ನು ಲೈಟ್ ಕಂಬ ಗಳಿಗೆ ಸತ್ತವರನೆನಪಿಸುವ ಮತ್ತೆಹುಟ್ಟಿ ಭಾ ಎಂಬ ತೋರಣವನ್ನು ಪರಮನೆಂಟ್ ಅಗಿಸಲಾಯಿತು
ಇನ್ನು ಕೆಲವು ಮಹಾನುಭಾವರುಗಳು ಕೆಲ ಸಂಘ ಸಂಸ್ಥೆಗಳ ಮುಂದೆ ವರ್ಷ ಗಟ್ಟಲೆ ತಮ್ಮ ಫ್ಲೆಕ್ಸ್ ರಾರಾಜಿಸುವಂತೆ ಮಾಡಿ ಆ ರಸ್ತೆಯಲ್ಲಿ ಓಡಾಡುವ ಜನರಿಗೆ ಅಸಹ್ಯ ಹುಟ್ಟಿಸಿದ್ದು ಸುಳ್ಳಲ್ಲಾ
ಒಟ್ಟಾರೆ ಪೋಟೋ ಗಳು ಹಲವರಿಗೆ ಪ್ರಚಾರದ ಸಾಧನವಾದರೆ ಮತ್ತೆಕೆಲವರಿಗೆ ಬದುಕಿನ ದಾರಿಯಾಗಿರುವುದು ಸುಳ್ಳಲ್ಲಾ
ಏನು ಮಾಡುವುದು ಹೇಳಿ ಕೆಟ್ಟವರಿಗಿದು ಕಾಲ.....ಮತ್ತೆ..ಮತ್ತೆ...ಹುಟ್ಟಿಬರುತ್ತಿದ್ದಾರೆ
ಲೇಖಕರು ಮತ್ತು ಸಂಪಾದಕರು
ಹರೀಶ್ ಹೆಚ್ ಆರ್
ಕೋಟೆ.
ಕಾಮೆಂಟ್ಗಳು
ಕಾಮೆಂಟ್ ಪೋಸ್ಟ್ ಮಾಡಿ
Vimarsha.info