ಅಮಲು ಅಮಲು -ಕೋಟೆ ಕಾಲಂ

ಅಮಲು ....ಅಮಲು

 ಹರೀಶ್ ಹೆಚ್ ಆರ್ 

 ಕೋಟೆ 

ರಾಜ್ಯದಲ್ಲಿ ಸದ್ಯಕ್ಕಂತೂ ಕೋವಿಡ್ ಗಿಂತಲೂ ವೇಗವಾಗಿ ಪಸರಿಸುತ್ತಿದೆ ಅಮಲಿನ ಸುದ್ದಿ ಮಾಧ್ಯಮ ಗಳಿಗಂತೂ ಅದನ್ನು ಹೊರತು ಪಡಿಸಿ ಬೇರೆಸುದ್ದಿಯೇ ಇಲ್ಲವಾಗಿದೆ ಅದರಲ್ಲಿಯೂ ಟಿವಿ ಆ್ಯಂಕರ್ ಗಳು ಗಾಂಜಾ ಅಫೀಮು ಒಟ್ಟಿಗೆ ಸೇವಿಸಿದಂತೆ ಬಾಯಿಗೆ ಬಂದದ್ದನ್ನೆಲ್ಲಾ ಹರಟತೊಡಗಿವೆ ಪ್ಯಾನಲ್ ಚರ್ಚೆ ಗಳಿಗೆ ಸಿಕ್ಕಸಿಕ್ಕವನ್ನೆಲ್ಲಾ ಕರೆತಂದು ಅವುಗಳ ಅಭಿಪ್ರಾಯ ಪಡೆದುಕೊಳ್ಳುತ್ತಾ ಮೋರಿಯಲ್ಲಿ ಬಿದ್ದವಕ್ಕೆಲ್ಲಾ ಮಾನಕೊಡುವ ಕಾಯಕದಲ್ಲಿ ಬಿಜಿ ಯಾಗಿದ್ದಾರೆ ಬಹುಶಃ ಸ್ಯಾಂಡಲ್ ವುಡ್ನ ಹೆಸರು ಇದಕ್ಕೆ ತಳಕು ಹಾಕಿಕೊಳ್ಳ ದಿದ್ದರೆ ಇಷ್ಟೋಂದು ಮಹತ್ವ ಬರುತ್ತಿತ್ತೊ ಇಲ್ಲವೋ ಗೊತ್ತಿಲ್ಲಾ ಸಿನಿತಾರೆಯರ ಹೆಸರು ಬಂದಿದ್ದೆ ತಡ ಇನ್ನಿಲ್ಲದಷ್ಟು ಮಹತ್ವ ಪಡೆದು ಕೊಂಡಿತು ಅಮಲಿಗೂ ಮನೊರಂಜನಾ ಜಗತ್ತಿಗೂ ನಂಟು ಹೊಸತೇನಲ್ಲಾ ಅದೇರೀತಿ ನಾಗರೀಕ ಸಮಾಜದ ಲ್ಲಿ ಕಾಲಕಾಲಕ್ಕೆ ಹೊಸಹೊಸ ರೀತಿಯ ಮೈ ಮರೆಸಿ ಮುದಕೊಡುವ ವಸ್ತುಗಳ ಹೊಸಹೊಸ ಆವಿಷ್ಕಾರಗಳಾಗಿವೆ ಸಮಾಜದಲ್ಲಿ ಇದು ಬಹುಹಿಂದಿನಿಂದಲೂ ನಿರಂತರವಾಗಿ ಹಾಸುಹೊಕ್ಕಾಗಿದೆ ಆದರೆ ಎಲ್ಲಾವಿಚಾರಗಳಲ್ಲಿಯೂ ಈಗ ಅತಿರೇಕದ ಪರಮಾವಧಿ ಇರುವಂತೆ ಅಮಲುಕೋರತನ ಪರಾಕಾಷ್ಟೆ ತಲುಪಿರುವುದೇ ಇಂದು ಆತಂಕಕ್ಕೆ ಕಾರಣವಾಗಿದೆ ನಾಗರಿಕ ಎಂದುಕರೆಯುವ ಈ ಅನಾಗರಿಕ ಸಮಾಜದಲ್ಲಿ ಯಾವಾಗಲೂ ಶ್ರೀಮಂತ ಮಾಡುವ ದೊಡ್ಡತಪ್ಪನ್ನು ಹೆಮ್ಮೆಯಿಂದ ನೋಡುವ ಬಡವನ ಸಣ್ಣ ಲೋಪವನ್ನು ದೊಡ್ಡದಾಗಿಸುವ ಪ್ರಕ್ರಿಯೆ ಸಾಮಾನ್ಯ ಸಾರಾಯಿ ಕುಡಿದು ಫುಟ್ಪಾತ್ನಲ್ಲಿ ಮಲಗಿದವನನ್ನು ಉಗಿಯುವಂತೆ ಡ್ರಗ್ಸ್ ನ ಅಮಲಿನಲ್ಲಿ ಅನಾಹುತ ಎಸಗುವ ಶ್ರೀಮಂತ ರ ಮಕ್ಕಳನ್ನು ಉಗಿಯದೆ ಅವರು ಮಾಡಿರುವ ಘನ ಕಾರ್ಯ ಗಳನ್ನು ಪರೋಕ್ಷವಾಗಿ ಬೆಂಬಲಿಸುವ ನಮ್ಮ ಸಮಾಜದ ಧೋರಣೆ ಸಹ ಅಮಲುಕೋರರನ್ನು ಯಾರು ಏನು ಮಾಡಲಾಗದ ಸ್ಥಿತಿಯನ್ನು ನಿರ್ಮಾಣಮಾಡಿದೆ ಕಡಿಮೆ ದರ್ಜೆ ಯ ಮದ್ಯ ಕುಡಿಯುವ ಬಡವನ ಹಣ ಸರ್ಕಾರದ ಪಾಲಾದರೆ ಡ್ರಗ್ಸ್ ನ ದುಬಾರಿ ಹಣ ಶತ್ರು ರಾಷ್ಟ್ರದ ಪಾಲಾಗಿ ಭಯೋತ್ಪಾದನೆಗೆ ಬಳಕೆಯಾಗುತ್ತಿದೆ ಅಮಲಿನಲ್ಲೂ ದೇಶಕ್ಕೆ ಶ್ರೀಮಂತ ರಿಂದ ಕಂಟಕವೇ ಹೊರತು ಬಡವನಿಂದಲ್ಲ ಮಾದಕದ್ರವ್ಯ ದ ನೆಟ್ವರ್ಕ್ ಅತ್ಯಂತ ವ್ಯವಸ್ಥಿತ ವಾಗಿಯೂ ಪ್ರಭಾವಿಯಾಗಿಯೂ ಇರುವುದರಿಂದ ಏಕಾಏಕಿ ಅದನ್ನು ನಿರ್ನಾಮ ಮಾಡಲಾಗುತ್ತದೆ ಎಂದು ಅಂದುಕೊಳ್ಳುವುದು ಮೂರ್ಖತನ ಕನಿಷ್ಠಪಕ್ಷ ಕಡಿವಾಣಹಾಕುವ ಕೆಲಸವಾದರೂ ಆದರೆ ಅದೇ ಸಮಾಧಾನ ಇಲ್ಲವೇ ಇದುಸಹ ಮಾಧ್ಯಮ ಗಳಿಗೆ ಮೂರುದಿನಕ್ಕೆ ಆಹಾರವಾಗುವ ನಂತರ ಸತ್ತಸುದ್ದಿಯಾಗುವ ಸಾಧ್ಯತೆಗಳಿವೆ ನಮ್ಮಲ್ಲಿ ಜೈಲು ಬೇಲು ನ್ಯಾಯಾಲಯ ಪೊಲೀಸ್ ವ್ಯವಸ್ಥೆ ಹಾಗೂ ರಾಜಕಾರಣಕ್ಕೆ ಬೆಸೆದಿರುವ ನಂಟನ್ನು ಗಮನಿಸಿದರೆ ಈ ಪ್ರಕರಣಗಳಲ್ಲಿನ ಸಣ್ಣಮೀನುಗಳಿಗೆ ಶಿಕ್ಷೆಯಾದರೂ ಆಗಬಹುದು ದೊಡ್ಡಮೀನುಗಳನ್ನು ಮುಟ್ಟವುದಂತೂ ಅಸಾಧ್ಯ ಎನಿಸುತ್ತದೆ ವಿಮರ್ಶಾ -vimarsha